Валтӥсь ужпумез – пиналъёслы ас ужан удыссэс шедьтыны юрттон
Смена радъяське 14-15 аресъем 40 пиналъёс понна
Пуштросэз – пиналъёс понна радъясько ужъёсын тодматӥсь мастер-классъёс, психологической тренингъёс, ужен герӟаськем шудонъёс, рольёсъя шудонъёс, пӧртэм пумо шутэтскон ужрадъёс. Смена дыръя пиналъёс бадӟым проектной уж лэсьто, мастерклассъёсын басьтэм тодон-валанъёссэс но быгатонлыкъёссэс уж вылын эскеро.

Валтӥсь ужпумез – пиналъёсты егитъёслэн «Россиысь студентъёслэн отрядъёссы» огъяросси мерлыко огазеяськонлэн уженыз тодматон.
Смена радъяське 14-17 аресъем 80 пиналъёс понна

Валтӥсь ужпумез – учётын сылӥсь пиналъёслы калык пӧлын улыны но ужаны, улонын асьсэдыз шедьтыны луонлыкъёс кылдытон.
Смена радъяське секыт югдуре шедем пиналъёс понна.
Пуштросэз – пиналъёс строевой, огневой, горной, тактической, инженерной дасяськонэн выро, асьсэды асьсэос утьыны дышетско, топографиез дышето, армиысь улонэн тодматско. Со сяна, пӧртэм спорт шудонъёсы но ӵошатсконъёсы пырисько, шаерысьтымы зэмос геройёсын пумиськыло: дано спортсменъёсын, мерлыко ужасьёсын, ож пыр потэм офицеръёсын, егитъёслэн азьветлӥсьёсынызы.

Валтӥсь ужпумез – семьялэсь, семья кусыпъёслэсь дунлыксэс но кулэлыксэс валаны юрттон.
Смена радъяське секыт югдуре шедем семьяосысь 14-15 аресъем нылъёс понна.
Сменае интыос квотая сётӥсько, УЭ-ысь муниципал кылдытэт администрациосысь семьяосын ужанъя ёзэтъёсын кенешыса.
Пуштросэз – «Семьеведение» темая теоретической занятиос но мастер-классъёс нылъёслэсь кузпалъяськон но семья, кузпалъёслэн кусыпъёссы но со понна кылкутон, семья кусыпъёслэн сӧриськемзы но сое тупатон сярысь тодон-валанзэс будэтозы.

Валтӥсь ужпумез – Удмурт Элькунысь бадӟым классъёсын дышетскисьёсты добровольчестволэн валтӥсь ӧръёсызъя дышетон, социальной проектированилэн технологиосыныз тодматон, волонтёр отрядъёслэсь ужзэс радъянын электрон ресурсъёсты но технологиосты уже кутыны дышетон.
Программалэн бадӟым люкетэз сӥземын луоз Волонтёр Центръёслэн Ассоциацизылэн «Ты решаешь!» федерал программаеныз тодматсконлы, кудӥз нимысьтыз саклык висъя школаосын волонтёр отрядъёслэсь паськыт сетьсэс кылдытонлы, соослэсь ужзэс радъяны юрттонлы, азьветлӥсьёсты дышетонлы, школакуспо мерлыко акциос но проектъёс уртче-валче радъянлы но лэсьтонлы.

Сменалэн валтӥсь ужпумез – пиналъёсты обороная но спортъя «Гвардеец» тазамытон лагерьёслэн улосвыл ӵошатсконазы быръён но дасян, Удмурт Элькунлэсь командазэ люкан.
Профильной смена радъяське Удмурт Элькунысь школаосын, кадет классъёсын дышетскисьёс но военно-патриотической клубъёсы ветлӥсь пиналъёс понна.
Программа валаны юрттэ: караул службаез нуон – со патриот долгез быдэстон, кудӥз кулэ каре вань положениосты но инструкциосты одно ик чакланэз-быдэстонэз, кышкасьтэм, сак, сэзь но дӥсьтӥсь луонэз.

Валтӥсь ужпумез – Удмурт Элькунын патриот мылкыдэз пыӵатон ужен вырись 18 аресъем но солэсь пиналгес азьветлӥсьёсты утчан, дышетон но соослы юрттон.
Смена радъяське ВВПОД «ЮНАРМИЯ» движенилэн 8-18 аресъем юнармеецъёсыз понна но Удмурт Элькунысь муниципал кылдытэтъёсысь школаосын, кадет классъёсын дышетскисьёс но военно-патриотической клубъёслэн но огазеяськонъёслэн ужазы пыриськись 8-18 аресъем пиналъёс понна.
Школалэн программаяз пыртэмын лидерствоя, ужпумъёс пуктонъя, планъёс лэсьтонъя, калыкен кивалтонъя, командаен ужанъя но мерлыко проектъёс дасянъя занятиос.